presiden_indonesia

Kini ko ha dunia makin aneh se, kadang kalo’ awak pikia-pikia yo, paniang surang se awaknyo. Tu manga jo awak pikia lai, rancak dilalui se lai. Apo lai iduik di nagari aneh ko ha. So jalani se dengan sungguah-sungguah sambia batawaka ka Allah.

Caliak se kini ko kan musimnya pemilu. Apo tu ? yang jaleh ndak karupuak do. Pamilu tu tampek awak miliah wakie tuk duduak mewakiakan suaro awak di pemerintahan. Tapi kadang awak indak miliah wakie awak do, awak miliah wakie inyo surang, kadang pulo awak miliah tukang ota, tu makonyo, hati-hati miliah wakie di parlemen. Kalo itu lah liwat.

Kini ko nagari awak ko sadang dipaniangan eh salah disibuakan dengan pamilihan urang nomor satu alias presiden nagari ko. Caliak se kini ko pimpinan-pimpinan parpol, bahkan jo pemerintahan surang lah sibuak galang sinan-koalisi siko tuk cari dukungan. Tapi nan disayangan mangapa dek banyakna yang nio duduk di Hot Seat urang nomor satu, banyak manzholimi rakyat. Iko terutamo untuak para pejabat nagari yang kini sato jo mancalonkan diri menjadi presiden. Antah dek sibuak galang koalisi, cari dukungan ato dek ndak ado program karajo nan ka dikarajoan lai, rakyat dipadiaan se. Padahal masih banyak nan harus dikarajoan. Tapi caliak lah kini, para pemimpin tu sibuak dengan koalisi-kualinyo. Ba kaba Lumpur lapindo, ba carito TKI awak nan di lua nagari, ba lapangan karajo di nagari sendiri, masih banyak yang lain. Seolah-olah itu ilang se mah, bantuak ndak ado kejadian. Galang koalisi buliah, tapi jan lupo rakyat. Apolai kini ko presiden jo wapresnyo samo-samo mencalonkan jadi presiden pulo, takuiknyo, indak ka salasai karajo mereka tu. Kini se kaduonyo dikabarkan “bacakak” liak. Tapi antahlah.

Tuk pimpinan-pimpinan parpol yang kini juga turuik galang koalisi sinan-koalisi siko, jan jual “kombur” se beko pas kampanye. Alah bosen rakyat ko dengan janji-janji se. Rakyat butuh tindakan nyato segera.!